Жетісуда сібір жарасы көмілген жерлерге жақын қазба жұмыстары жүргізілді

Сібір жарасы жерленген жерлердің маңындағы жерлер Жетісу облысындағы мемлекеттік жер қорына қайтарылды. Бұл туралы АШМ Жер ресурстарын басқару комитетінің баспасөз қызметінен хабарлады.

Ведомствоның мәліметінше, Сарқан ауданындағы сібір жарасы жерленген жерлердің жанында жер пайдаланушы пайдалы қазбаларды өндіруді жүзеге асырған. Оған қатысты Жетісу облысының Жер ресурстарын басқару департаменті талап арыз берді, онда ауданы 14,6 га жер телімін жалдау шартын жарамсыз деп тану, жер пайдаланушының жобаға сәйкес бұзылған жерлерді рекультивациялауды жүргізу және уақытша өтеулі ұзақ мерзімді жер пайдалану құқығын тіркеуді жою туралы талаптар мәлімделді.

Жетісу облысының Мамандандырылған ауданаралық экономикалық соты талап-арыздарды толық көлемде қанағаттандырды. Сот шешімімен жерлер мемлекеттік жер қорына қайтарылды.