Қазақстанның 11 өңірінде орташа құрғақшылық болжануда

Қазгидромет маусым айындағы құрғақшылық болжамын нақтылады. Қазақстанның 11 өңірінде орташа құрғақ жағдайлар күтіледі:

• Қостанай облысында – Амангелді, Жангелді аудандарында;
• Ақтөбе облысында – Шалқар , Ыргыз және Ойыл аудандарында;
• Атырау облысында – Құрманғазы және Махамбет аудандарында, сондай-ақ Атырау мен Құлсары маңында;
• Қарағанды облысында – Ақтоғай, Қарқаралы және Шет аудандарында;
• Ұлытау облысында – Ұлытау және Жаңаарқа аудандарында;
• Абай облысында – Аягөз ауданында;
• Алматы облысында – Балқаш және Жамбыл аудандарында;
• Жетісу облысында – ішінара Алакөл ауданында;
• Жамбыл облысында – Мойынқұм, Қордай, Т. Рысқұлов, Меркі, Сарысу және Талас аудандарында;
• Түркістан облысында – Созақ, Қазығұрт, Отырар, Төлеби, Шардара, Сарыағаш, Жетісай және Түлкібас аудандарында және Шымкентте;
• Қызылорда облысында – Қазалы, Қармақшы, Шиелі аудандарында және Қызылордада, сондай-ақ ішінара Арал ауданында.

Сонымен қатар мамыр айында жиналған жауын шашын аясында маусымдық жауын шашын елдің солтүстігіндегі жекелеген аймақтарда қалыпты ылғалды жағдай туғызады:

• Солтүстік Қазақстан облысында – Жамбыл, Тимирязев, Шалақын, Есіл аудандарында және Ғ. Мүсірепов ауданында;
• Қостанай облысында – Ұзынкөл, Қарабалық және Меңдіғар аудандарында;
• Ақмола облысында – Егіндікөл ауданында.

Елдің қалған аумағында ылғалдандыру шарттары нормаға жақын болады деп күтілуде, деп Қазгидромет хабарлады.