Талғат Алдыбергенов ҚТЖ-ны басқарды
«Қазақстан темір жолы» басқарма төрағасы болып Талғат Алдыбергенов тағайындалды, Осы уақытқа дейін басқарма төрағасының орынбасары болды. Бұл туралы ҚТЖ баспасөз қызметі хабарлады.
ҚТЖ-да Талғат Алдыбергеновтың теміржол саласында 35 жылдан астам тәжірибесі бар екенін атап өтті. Алматы теміржол көлігі инженерлері институтын «Теміржол көлігінде тасымалдауды ұйымдастыру және басқару» мамандығы бойынша үздік бітірген, РАНХиГС (Ресей) экономика магистрі (қызыл диплом), экономика ғылымдарының кандидаты.
Ол жұмыс орындарынан жоғары басшылыққа дейін көтерілді. Атап айтсақ, ҚТЖ «Фирмалық Көліктік қызмет көрсету орталығы» Ақтөбе филиалын басқарды, «Қазтранссервис» МКҚК директоры, «ҚазМұнайГаз» сауда үйі көліктік логистика департаментінің директоры болды.
2008-2019 жылдары «Кедентранссервис» АҚ президенті, «АвтоГазАлматы» ЖШС бас директоры, Kazakhmys Maker басқарма төрағасы болып жұмыс істеді.
2024 жылдан бастап Талғат Алдыбергенов «Қазақстан темір жолы» ҰК басқарма төрағасының орынбасары қызметін атқарды.
Естеріңізге сала кетейік, ҚТЖ-ның бұрынғы басшысы Нұрлан Сауранбаев ҚР Көлік министрі болып тағайындалды.