Қазгидромет шілде айындағы құрғақшылық болжамын нақтылады

Қазақстанның кейбір өңірлерінде ауа температурасының жоғарылауы және жауын-шашынның тапшылығы құрғақ жағдайлардың күшеюіне ықпал етеді. Соңғы есептеулер бойынша 2025 жылдың шілдесінде Қазақстанның 13 өңірінде орташа құрғақшылық күтіледі.

Шілде айында орташа құрғақ жағдайлар күтіледі:

• Батыс Қазақстан облысында - Жәнібек және Казталов аудандарында;
• Ақтөбе облысында - Шалқар және Мұғалжар аудандарында;
• Атырау облысында - Индербор ауданында;
• Маңғыстау облысында - Бейнеу, Маңғыстау және Қарақия аудандарында;
• Қостанай облысында - Амангелді, Жангелді аудандарында;
• Қарағанды облысында - Ақтоғай және Шет аудандарында;
• Ұлытау облысында - Ұлытау ауданында;
• Абай облысында - Аягөз және Үржар аудандарында;
• Алматы облысында - Балқаш, Жамбыл және Еңбекшіқазақ аудандарында;
• Жетісу облысында - Алакөл, Қаратал аудандарында және ішінара Панфилов ауданында таулы жерлерден басқа;
• сондай-ақ, Жамбыл, Түркістан және Қызылорда облыстарының басым бөлігінде.

Елдің қалған аумағында ылғалдандыру шарттары нормаға жақын болады деп күтілуде.