Мамыр айында Қазақстанның екі ауданында орташа құрғақшылық болады деп болжануда
Мамыр айында Қазақстан аумағының басым бөлігінде ылғалдандыру шарттары нормаға жақын болады деп күтілуде. Бұл ретте екі ауданда орташа құрғақшылық болжануда, деп Қазгидромет хабарлады.
«2026 жылдың мамыр айында алдын ала есептеулер бойынша және қазіргі метеорологиялық жағдайларды ескере отырып, Ақтөбе облысының Шалқар ауданында және Жамбыл облысының Қордай ауданында орташа құрғақ ауа райы күтілуде», - деп атап өтті синоптиктер.
Бұған дейін Қазгидрометте мамыр айында Қазақстанның басым бөлігінде ауаның орташа температурасы нормадан 1°С жоғары болады деп күтілетіні хабарланған болатын. Нормаға жақын Алматы, Жетісу және Абай облыстарында, Шығыс Қазақстан облысында, Жамбыл облысының басым бөлігінде, Түркістан, Қарағанды, Павлодар облыстарының оңтүстік-шығыс жартысында болжанады.
Мамыр айында жауын-шашын мөлшері еліміздің көп бөлігінде қалыпты жағдайға жақын, ал Қостанай, Солтүстік Қазақстан және Ақмола облыстарында, Ақтөбе, Ұлытау және Павлодар облыстарының көп бөлігінде, Батыс Қазақстанның солтүстік-шығысында, Атыраудың солтүстік-шығысында, Қызылорданың солтүстігінде және Қарағанды облыстарының солтүстік-батысында қалыпты жағдайдан төмен болады деп болжануда.