ЕвроХим тыңайтқыштар өндірісін дамытуға 20 млрд доллар салды
«ЕвроХим» жобалық қуаттылығы жылына 1 млн тоннадан астам минералды тыңайтқыштар мен индустриялық өнімдермен Қазақстанда ірі химиялық жобаны іске асыруда. Бұл туралы компанияның негізін қалаушы Андрей Мельниченко Санкт-Петербург Халықаралық экономикалық форумында сөйлеген сөзінде айтты.
Кәсіпкердің айтуынша, соңғы 15 жылда Еврохим Ресейде де, одан тыс жерлерде де минералды тыңайтқыштар саласын дамытуға шамамен 20 млрд доллар жұмсаған.
Атап айтқанда, 2024 жылы EuroChem Group AG Бразилияның Серра-ду-Салитри қаласында фосфатты тыңайтқыштар кешенін пайдалануға берді. Ал қазір жобалық қуаттылығы жылына 1 млн тоннадан астам минералды тыңайтқыштар мен индустриялық өнімдермен Қазақстанда ірі химиялық жобаны іске асыруда. Инвестиция сомасы шамамен 1 млрд долларды құрайды. 2026 жылдың мамыр айының соңында Жамбыл облысында осы жобаның бір бөлігі - күкірт қышқылын өндіру іске қосылды.
«ЕвроХимнің ауқымды инвестициялары калий, азот және фосфор тыңайтқыштарын өндіру бойынша әлемдік деңгейдегі заманауи өндірістік қуаттарды құруға мүмкіндік берді. Бүгінгі таңда жаңа өндіріс орындары компания кірісінің шамамен 70%-ын құрайды», — деп атап өтті Андрей Мельниченко.
Бұл ретте Андрей Мельниченко жаңа өндірістердің құрылысын қолдаумен қатар, химия саласының қолданыстағы кәсіпорындарын жаңғыртуды ынталандырудың жеке тетігі талап етілетініне назар аударды.
Кәсіпкердің айтуынша, жұмыс істеп тұрған агрегаттарды жаңғырту өндірістің сенімділігін, энергия тиімділігін және экологиялық тазалығын бір уақытта жақсартуға, сондай-ақ өнім көлемін арттыруға мүмкіндік береді. Сонымен қатар, мұндай жобалар жаңа зауыттар салумен салыстырғанда айтарлықтай аз шығындарды қажет етеді.