АШМ аграршыларды арзан жанар-жағармаймен қамтамасыз етуге уәде береді

Көктемгі егін егу жұмыстарын жүргізу үшін аграршылар нарықтық бағадан 15-20% төмен жанар-жағармай қамтамасыз етіледі. Бұл туралы ҚР АШМ Өсімдік шаруашылығы өнімдерін өндіру және қайта өңдеу департаментінің директоры Азат Сұлтанов ОКҚ брифингінде айтты.

«Мемлекет ауыл шаруашылық тауар өндірушілеріне жыл сайын арзан бағамен жанар-жағармай бөлу арқылы қолдау көрсетуде. Оның бағасы нарықтағы жанармай құю бекеттерімен салыстырғанда 15%,  кей жерде 20% төмен болады», - деді департамент басшысы.

Энергетика министрлігімен келісілген кестеге сәйкес, көктемгі егіс жұмыстарына дайындық жүргізіліп жатқан оңтүстік өңірге арзан жанар-жағармай жіберіліп жатыр.

«Жанар-жағармаймен қамтамасыз ету үкіметтің бақылауында, ауыл шаруашылық тауар өндірушілерінің бағасы әлдеқайда төмен болады және барлық шаруашылықты қамтамасыз етеміз», - деп мәлімдеді Азат Сұлтанов.

Бұған дейін айтылғандай, Қарағанды ​​облысының аграршылары көктемгі дала жұмыстарына дизель отынды әр литрін 165 теңгеден арзан алады деп хабарланған болатын.