Ауыл шаруашылық өнімдері тиелген 350-ден астам вагон экспорттаушыларға қайтарылды

2020 жылдың қараша айынан бастап Қытай теміржолы жабық вагондарға салынған азық-түлік жүктерін қабылдауды тоқтатты. Вагондардың жиналуына байланысты «ҚТЖ-Жүк тасымалы» компаниясы 1 сәуірден бастап оларды кері қайтара бастауға мәжбүр болды. 3 сәуірдегі жағдай бойынша 354 вагон қайтарылды және 300-ден астам вагонға өтініш қабылданды. Бұл туралы «ҚТЖ -Жүк тасымалы» компаниясының баспасөз қызметі хабарлады.

Қайтарылған вагондардың жалпы саны 700 бірліктен асып түсті, деп атап өтті компания.

Тасымалдаушылар жүкті тиеу станциясына қайтаруда және вагондарды қойма қызметі туралы келісімшарт жасасасып,маршрут бойынша түсіруде. 2 сәуірдегі жағдай бойынша қалған вагондардың саны шамамен 1100 қалды. Жүк жөнелтушілерден  өтініштер түсуде.

«Вагондардың кері қайтарылуы мәжбүрлі шара. Бұл шешімнің себебі - жабық вагондардың Қытай темір жолы арқылы қабылданбауы, сондай-ақ вагон иелерінің жылжымалы құрам мен жүк жөнелтушілерді қайтару туралы өтініштері», - деді «ҚТЖ-Жүк тасымалы» ЖШС бас директорының бірінші орынбасары  Қанат Көбесов.

Тақырыпқа байланысты оқу: ҚТЖ тағы да Қытайға жүк жөнелтуге тыйым салды

Компания соңғы төрт айда «ҚТЖ» ҰК шекаралас бекеттердегі жауапты министрліктер мен ведомстволардың қатысуымен қытайлық әріптестерімен бірнеше рет кездесулер өткізгенін атап өтті. Жазбаша келісімдерге қарамастан, Қытай тарапы оларды жүзеге асыруға асықпайды.

Тоқтап тұрған вагондар Қазақстан Республикасының магистральдық желісінің өткізу қабілетін төмендетеді және Достық станциясы бағытында жүк тасымалдайтын басқа экспорттаушылардың жұмысына және транзитке шектеу шараларын қолдануға мәжбүр етеді.