Қазақстанда егістік алқаптарға қаржы бөлу аяқталды

Ағымдағы жылы Аграрлық несие корпорациясы (АНК) арқылы 2 611 шаруа қожалығы жалпы сомасы 70 млрд теңгені құрайтын қаражатты бюджеттік несие түрінде алды. Бұл туралы «Бәйтерек» холдингінің баспасөз қызметі хабарлады.

Жылдық 5% -ға дейінгі мөлшердегі жеңілдетілген ставка бойынша «Кең дала» несиелеу бағдарламасы аясында 3,3 млн гектар алқаптағы жұмыстар қаржыландырды. Аймақтардан ең көп өтініш түскен әдеттегідей Солтүстік Қазақстан, Қостанай, Ақмола және Түркістан облыстары болды. Мысалы, тек Түркістан облысында осы жылы негізінен 1 438 ауылшаруашылық тауар өндірушілері жалпы сомасы 5,7 млрд теңгеге жеңілдікпен несие алды», - деп хабарлады баспасөз қызметі.

Мұндай несиелер жылына 1,5% жеңілдікпен бөлінеді, бірақ қарыз алушы үшін жылдық 5% -дан аспайтын мөлшерлемемен беріледі. Бұл қаражатқа фермерлер егіс науқанын уақытында бастауға мүмкіндік алды, пестицидтер мен тыңайтқыштарды сатып алды, жоғары сапалы тұқымдар мен жанар-жағармай материалдарын, ауылшаруашылық техникаларын жөндеуге қосалқы бөлшектер сатып алуға айналым қаражаттарын толықтыруға, сонымен қатар жұмысшыларға жалақы төлеуге мүмкіндіктері болды.

Тақырыпқа байланысты оқу: Қазақстанда 22,8 млн гектарға астық егіледі

Биылғы көктемгі дала жұмыстарына бөлінетін несие алуға берілген өтінімдер саны 7% өсіп, 2611 құрады.

Келісім шарт жасауды жеделдету және несиелендірудің қол жетімділігін кеңейту мақсатында, сондай-ақ ауылшаруашылық тауар өндірушілерінің көпшілігін қамту үшін қаржыландыру арқылы Аграрлық несие корпорациясы басқа қаржы институттарының мүмкіндіктері мен жүйесін пайдаланды, атап айтқанда: екінші деңгейлі банктерді, микроқаржы ұйымдарын, 30 мыңнан астам ауылшаруашылық тауар өндірушілерін біріктіретін 217 несиелік серіктестіктер болды. Биыл 70 млрд теңгенің 63 млрд теңгесі қаржы институттары арқылы бөлінді.