Тоқаев азық-түлік бағасын ұстап тұру туралы тапсырма берді

ҚР Премьер-министрі Асқар Мамин президент алдында ҚР-дың әлеуметтік-экономикалық дамуы туралы бес айдағы қорытындылары мен егіс науқанының аяқталуы туралы есеп берді. Бұл туралы Ақорданың баспасөз қызметі хабарлады.

Премьер-министрдің айтуынша, Қазақстан экономикасы пандемиядан кейінгі жағдайды қалпына келтіру кезеңіне кірді. Қаңтар-мамыр айларында ЖІӨ өсу қарқыны өткен жылдың сәйкес кезеңімен салыстырғанда 1,6% құрады. Дамудың негізгі драйверлері 7,2% деңгейінде өсуді көрсеткен өңдеу өнеркәсібі және құрылыс секторы болды.

Сондай-ақ, Президентке көктемгі егіс жұмыстарының аяқталғаны туралы мәлімет берілді: егіс алқабы 78,2 мың га-ға 22,7 млн га-ға дейін ұлғайды.

Тақырыпқа байланысты оқу: Қазақстанда егін егу науқаны аяқталды

Үкімет егін егуді қаржылық тұрғыдан және материалдық-техникалық жақтан қамтамасыз ету бойынша барлық қажетті шараларды жасауда. Көктемгі егіс жұмыстарына 128 млрд теңге, 380 мың тонна дизель отыны нарықтағыдан 14% төмен бағамен бөлінді, сонымен қатар 405,3 мың тонна тыңайтқыш берілді.

Аталған кездесу қорытындысы бойынша, президент әлеуметтік маңызы бар азық-түлік тауарларының бағасын ұстап тұру, сыртқы және ішкі инвестициялар санын арттыру, өнімдерді өңдеу саласының өсуі мен дамуы арқылы экономика құрылымын одан әрі дамыту жөніндегі шараларды іске асыруға ерекше назар аударуды тапсырды.

Естеріңізге сала кетейік, азық түлік бағасының өсуі бүгін Үкімет отырысында көтерілген негізгі тақырыптардың бірі болды.