Алматы облысында жем-шөп егілген алқаптардың көлемі 7 мың гектарға артты

Алматы облысында биыл жем-шөп егілген алқап өткен жылмен салыстырғанда 7,1 мың гектарға артып, 257,9 мың гектарды құрады.

Биыл аймақта 3,5 млн тонна жем (пішен, сабан), 1,3 млн тонна шырынды азық (пішендеме, сүрлем), сондай-ақ 684 мың тонна жем-шөп дайындау жоспарлануда.

Бүгінгі күні көпжылдық дақылдарды бірінші шабу аяқталды, 418,1 мың тонна шөп, оның ішінде 285,2 мың тонна жоңышқа орылды, сондай-ақ 26,6 мың тонна пішендеме дайындалды.

Облыстық ауыл шаруашылығы басқармасының мәліметі бойынша, қазіргі уақытта өңірде сыйымдылығы 771 мың тонна 265 астық қоймасы жұмыс істеуде, оның ішінде 58,6 мың тоннаға лицензияланған 2 Астық қабылдау кәсіпорны өңірдегі еңбеккерлерден астық қабылдайтын болады.

Тақырыпқа байланысты оқу: Үкімет мал азығын арзандатуға қаражат бөледі

Сонымен қатар, облыста күздік дақылдарды жинауға дайындық жүріп жатыр, олардың ауданы өткен жылмен салыстырғанда 2,5 мың гектарға артып, 105,9 мың гектарды құрады.

Өңірде күздік және малға беретін жемдік дақылдарды жинауға 1468 комбайн, 180 техникалық құрал, 263 астық тиегіш, 203 астық өлшегіш, 164 астық тазалайтын машина, 256 авто өлшегіш қолданылады.