Егін егуге 380 мың тонна жеңілдетілген дизель отыны бөлінеді

ҚР-да көктемгі дала жұмыстарын жүргізуге 380 мың тонна жеңілдетілген дизель отыны бөлінеді. Бұл туралы үкімет отырысында ҚР Ауыл шаруашылығы министрі Ербол Қарашөкеев мәлімдеді.

"Ауыл шаруашылығы тауар өндірушілерін көктемгі егіс жұмыстарын жүргізуге 380 мың тоннадан кем емес арзандатылған дизель отынымен қамтамасыз ету мәселелері нарықтық бағадан 15%-ға төмен бағамен шешілуде", - деді АШМ басшысы.

Тақырып бойынша оқу: Фермерлерге дизель отынын жөнелту ақпан айында басталады

Ол алдағы көктемгі егісті уақтылы дайындау және сапалы жүргізу үшін өткен жылғы құрғақшылық пен қосалқы бөлшектерге, ЖЖМ, минералды тыңайтқыштар мен пестицидтерге бағаның өсуі елеулі қиындықтар тудыратынын атап өтті.

"Осыған байланысты, фермерлерді қолдау мақсатында, республикалық бюджетті нақтылау кезінде көктемгі егіс жұмыстарына бюджеттік несиені ұлғайту мүмкіндігін қарастыруды сұраймыз", - деді министр.

Оның айтуынша, министрлікте өңірлерде көктемгі егіс жұмыстарын үйлестіру бойынша жедел штаб құрылды.

"АӨК субъектілерін қолдау жөніндегі іс-шараларды өткізу үшін "Кең дала" бағдарламасы (70 млрд теңге) және Азық-түлік корпорациясын форвардтық сатып алу (80 млрд теңге) арқылы ауыл шаруашылығы тауарын өндірушілерді жеңілдікпен несиелендіру қамтамасыз етіледі", - деп хабарлады Ербол Қарашөкеев.

Сонымен қатар, оның айтуынша, отандық минералды тыңайтқыштарды өндірушілермен АШТӨ қажеттіліктерін толық қамтамасыз ету туралы келісімге қол жеткізілді.

2022 жылы тұқым, тыңайтқыш және пестицидтер сатып алуды субсидиялауға 70 млрд теңге қарастырылған.

"Облыстардың деректері бойынша 2022 жылы ауыл шаруашылығы дақылдарын 22,9 млн га алаңға орналастыру жоспарлануда, бұл 2021 жылғы деңгейден 13,5 га артық", - деп түйіндеді АШМ басшысы.