Құлыбаевтың компаниясыҚазАзоттың акцияларын сатып жіберді

Қазақстан қор биржасында (KASE) 2021 жылғы 10 желтоқсанда "ҚазАзот" АҚ жай акцияларын сатып алу бойынша мамандандырылған сауда-саттық өтті. Нәтижесінде бір акция үшін 788 858,82 теңге орташа өлшемді баға бойынша KZ1C00001395 (KZAZ) АҚ 85 000 жай акциясы сатып алынды.

"ҚазАзот" баспасөз қызметінің хабарлауынша, акционерлік қоғамның қарапайым акцияларының 85%-ын "Kazakhstan Petrochemicals" ЖШС сатып алды, тағы 15% бұрынғы иесі Бахаридин Аблазимовта қалды. 

"Осылайша, өз акцияларын "Joint Resources" АҚ (100% Тимур Құлыбаевқа тиесілі), Дінмұхамед Ыдырысов пен Ержан Достыбаев сатты", - деп атап өтті компанияда. 

Тақырып бойынша оқу: Құлыбаев "Атамекен" ҰКП Төралқа Төрағасы қызметінен кетті

Сонымен қатар, өткен жылдың желтоқсан айының соңында "ҚазАзот" АҚ Директорлар кеңесінің құрамы өзгерді. Жаңа құрамға келесілер сайланды: Аблазимов Б.Н. – директорлар кеңесінің мүшесі және төрағасы, Аязбаев Р.Р. – директорлар кеңесінің мүшесі, Исказиев К.О. – директорлар кеңесінің мүшесі және тәуелсіз директор, Ибрашев К.Н. – директорлар кеңесінің мүшесі және тәуелсіз директор, Маулешев А.А. – директорлар кеңесінің мүшесі. Енгізілген өзгерістерді ескере отырып, "ҚазАзот" директорлар кеңесі бес адамнан тұрады.