Құлыбаев "Атамекен" ҰКП Төралқа Төрағасы қызметінен кетті

Бүгін Тимур Құлыбаевтың "Атамекен" ҚР ҰКП Төралқа Төрағасы ретіндегі өкілеттігі өз еркімен тоқтатылды, деп хабарлайды ElDala.kz палатаның баспасөз қызметіне сілтеме жасай отырып.

Тимур Құлыбаев Ұлттық кәсіпкерлер палатасын құрудың бастауында тұрды және палатаның бизнес пен биліктің сындарлы үнқатысу алаңы ретінде қалыптасуына үлкен үлес қосты, деп атап өтті баспасөз қызметінде.

"Атамекен" ҰКП басқармасы заң нормаларына сәйкес құрылған Ұлттық палатаның барлық жұмыс істеп тұрған басқару органдары (Төралқа мен басқарма, өңірлік кеңестер мен өңірлік палаталар) жұмысын жалғастырып жатқанын хабарлады.

Тақырып бойынша оқу: Қаныш Ізбастин Бәйтерек холдингі басшысының орынбасары қызметінен кетті

Төралқа төрағасын съезд сайлайтынын ескере отырып, төралқаның кезекті отырысында оның мүшелері төрағаның міндетін уақытша атқарушының кандидатурасын айқындайды. 

"Біз өз кезегімізде "Атамекен" ҰКП сайлау жүйесін нығайту жұмыстарын жалғастырамыз. 2020 жылы аймақтық кеңестерге сайлау өткізілді. Жақын арада ҰКП басқармасы бизнес-қоғамдастықтың талқылауына бұрыннан келе жатқан мәселені - төралқаның салалық комитеттерінің мүшелерін тиісті саланың кәсіпкерлері етіп сайлау тәртібін шығарады. Нәтижесінде, 2022 жылдың күзіне қарай кезекті съезге съездің және төралқа делегаттарының құрамы жаңартылады. Съезд жоғары басқару органы ретінде өз өкілеттіктері шеңберінде төралқаның төрағасы мен құрамы, сондай - ақ басқарма бойынша шешім қабылдайды", - деп нақтылады палатада.

Тимур Құлыбаев төралқа мүшелеріне арнаған сөзінде атап өткендей, алда жаңа міндеттер тұр.

"Қазір мемлекет басшысының тапсырмасы бойынша үкімет ҰКП-мен бірлесіп тәртіпсіздіктерден зардап шеккен бизнеске келтірілген залалды өтеу бойынша жұмысты бастады. Өсіп келе жатқан пандемияның салдарымен күрес басты назарда қалады. Біз үшін бизнестің локдаунсыз және қатаң шектеулерсіз жұмысын жалғастырғаны маңызды. Алда үлкен жұмыс күтіп тұр", - деді ол.