ҚазАгроҚаржы Басқарма төрағасының орынбасары болып Жанұзақ Оразбаев сайланды

"ҚазАгроҚаржы" АҚ Директорлар кеңесінің шешімімен Жанұзақ Оразбаев Басқарма төрағасының орынбасары болып сайланды. Бұл туралы компанияның KASE сайтындағы хабарламасында айтылған.

Басқарма құрамынан төраға орынбасарлары Алмат Әшірбеков пен Назгүл Карнақова шығарылды.

Естеріңізге сала кетейік, Алмат Әшірбеков Аграрлық несие корпорациясын басқарды.

Енгізілген өзгерістерді ескере отырып, "ҚазАгроҚаржы" басқармасына төрт адам кіреді: Айдар Прашев, Айдос Сейтжанов, Данияр Қайыржубан және Жанұзақ Оразбаев.

Жанұзақ Оразбаев бұған дейін Ауыл шаруашылығын қаржылай қолдау қорының Басқарма құрамына кірген болатын.

2021 жылдың соңында Ауыл шаруашылығын қаржылай қолдау қоры Аграрлық несие корпорациясына қосылды.