Түркістан облысында мақта майы өндірісі ұлғаяды

Өткен жылы Түркістан облысының Мақтаарал ауданында "Тұлпар май" кәсіпорны іске қосылды. 2021 жылы зауытта 250 тонна май және 950 тонна күнжара өндірілді. Болашақта өнім шығаруды едәуір арттыру жоспарлануда. Бұл туралы Аграрлық несие корпорациясы хабарлады.

"Біз өндірістік қуаттылықты он есеге арттырып, жылына 2 мың тонна мақта майын өндіруді жоспарлап отырмыз. Тұтынушылар біздің өнімдерге енді ғана үйреніп келеді. Жақын арада тоқыма фабрикасын ашу жоспарлануда", - деді "Tulpar May" ЖШС директоры Төлеген Серікбаев.

Кәсіпорынды іске қосу бойынша жобаның құны 1,2 млрд теңгені құрады, оның 80%-н Аграрлық несие корпорациясы қаржыландырды. Зауыт тәулігіне 50 тоннаға дейін шикі мақтаны өңдей алады. Мұнда тұрақты негізде 30 жергілікті тұрғын жұмыс істейді.

"Агробизнес" бағдарламасы бойынша берілген несиеге компания жаңа түрік жабдықтарын сатып алды. Мақта майынан басқа, мұнда күнжара мен кір сабын шығарылады.

Бұл Түркістан облысында Аграрлық несие корпорациясы қаржыландырған алғашқы май өңдеу зауыты. Биыл түркістандық ауыл шаруашылығы өндірушілері Корпорация желісі бойынша 1300 жобаны іске асыруға 10,4 млрд теңгеден астам қаражат алды.

"Кәсіпорынның мақта егетін аймақта орналасуы баға белгілеуге әсер ететіні сөзсіз. Май зауытын іске қосу және оның халық тығыз орналасқан ауданда орналасуы өңірдің тұрақты жұмыс орындарын және азық-түлік қауіпсіздігін құруға ықпал ететін болады", - деп атап өтті Түркістан облысы бойынша Аграрлық несие корпорациясы филиалы директорының орынбасары Азат Муйтембаев.