Павлодар облысы 213 мың тонна күнбағыс тұқымын жинады

Павлодар облысында майлы дақылдарды жинау жұмыстары аяқталды, жалпы жиын 213 мың тоннаны құрады, орташа өнімділігі 7,4 ц/га. Бұл туралы ElDala.kz өңірдің ауыл шаруашылығы басқармасының баспасөз қызметіне сілтеме жасай отырып хабарлайды.

Ағымдағы жылы майлы дақылдарды жинау алаңы 288 мың гектарды құрады, бұл өткен жылғы деңгейден 19,8 мың гектарға артық.

Естеріңізге сала кетейік, қаңтар айында күнбағыс тұқымын әкетуге экспорттық баж салынады. Баж тұрақты негізде әрекет етеді және тоннасына 20%, бірақ кемінде 100 еуро болады деп болжануда. Ауыл шаруашылығы министрлігінің мәліметінше, күнбағыс тұқымын экспорттау көлемі шектелмейді.

Сонымен қатар, экспорттық баж қолданысқа енгізілгенге дейін отандық күнбағыс майын өндірушілермен бағаны тұрақтандыру туралы меморандумдар жасалатын болады, онда зауыттан босату бағасы литріне 750 теңгені құрайды.

Биыл күнбағыс тұқымын әкетуге квота берілді. Бұл ретте, АШМ деректері бойынша қаңтар-қыркүйекте (квоталардың қолданылу кезеңінде) экспортқа 133,9 мың тонна өнім жұмсалды, ал 2021 жылдың ұқсас кезеңінде (квоталардың қолданылмауынсыз) 113,3 мың тонна әкетілді.