Павлодар облысында май экстракциялау зауыты салынады

Павлодар облысының Шарбақты ауданында қуаттылығы тәулігіне 1200 тонна май тұқымын өңдейтін май экстракциялау зауыты салынады. Бұл туралы өңір әкімдігінің баспасөз қызметіне сілтеме жасай отырып, ElDala.kz хабарлады.

«Өнімнің негізгі түрлері күнбағыс майы мен күнжара болады. Кәсіпорында 300-ге жуық жаңа жұмыс орны ашылады», - деп хабарлады әкімдік.

Әкімдіктегі инвест штаб отырысында жобаны іске асыру және қаржыландыру мәселесі қаралды.

Сондай-ақ, болашақ зауыт аумағына жақын өтетін теміржол тармағының мәртебесін өзгерту, инженерлік желілерді жүргізу, сондай-ақ күнбағыс өсіруге арналған ауыл шаруашылығы жерлерін беру мәселесі талқыланды.