Ауыл шаруашылығы министрлігі күнбағыс майын шығаруға квота бөлді

Ақпан айына күнбағыс майын шығару квотасын ҚР 43 компаниясы алды. Рұқсаттар 30 маусымға дейін, яғни осы өнімнің экспортына шектеулердің қолданысы аяқталғанға дейін қолданылады.

Ақпан айында Қытай, Қырғызстан, Тәжікстан, Өзбекстан, Ауғанстан бағыттары бойынша 16 мың тонна күнбағыс майын шығаруға рұқсат алынды.

Квоталардың ең көп көлемін "Логос Грейн", QAZAQ-ASTYQ GROUP, Grain Agro Trade, "Первомайское", "Агро Трейд-2030", "Жетісу Мажико агрокешені", ETG Commodities, Optima logistic, ASED ШҚ компаниялары – 796 тоннадан алды.

"Май" АҚ 792 тонна көлемінде квота алды, "Шымкентмай Доня" ЖШС – 753 тонна, "Югопторг" ЖШС – 594 тонна, Inter USM – 464 тонна, "Ақ Береке" – 456 тонна.

Квота мөлшерінде 398 тоннадан Uly dala Onimderі, "Жетагро Трейд", Tamgaly Group "Ортамакс", "Таг-Тин", ImExKz, "Алина Трейд" компаниялары; 377 тонна - "Промбаза-7 ЖШС", 322 тонна - "Шымкентмай" АҚ, 316 тонна "Темппро" ЖШС алды.

Естеріңізге сала кетейік: ҚР Ауыл шаруашылығы министрлігі күнбағыс майын әкетуге жалпы квота мөлшерін 110 мыңнан 114 мың тоннаға дейін арттыруды жоспарлап отыр. Бұл ретте 2022 жылғы 1 маусымнан бастап бір ай бұрын майды әкетуге шектеулерді алып тастау жоспарлануда. Бұл ретте күнбағыс тұқымдарының экспортына қойылған шектеулер 1 шілдеге дейінгі мерзімге 125 мың тонна көлемінде сақталатын болады.

Сонымен қатар, Қазақстанның Астық одағы ҚР Ауыл шаруашылығы министрі Ербол Қарашөкеевке ішкі нарыққа май өндіру және жеткізу үшін шикізат тапшылығының туындау қаупі бар-жоғын анықтау мақсатында күнбағыс тұқымдары мен шикі күнбағыс майына сұраныс пен ұсыныстың теңгерімін объективті бағалау ұсынысымен жүгінді.