Маусым айында күнбағыс майы экспортына шектеу алынады

Фото көзі: ElDala.kz

ҚР Ауыл шаруашылығы министрлігі 2021 жылғы 13 желтоқсандағы бұйрыққа күнбағыс тұқымы мен одан май экспортын шектейтін бірқатар өзгерістер енгізуді жоспарлап отыр. Атап айтқанда, бір өтініш берушіге квота лимиті қысқартылады, сондай-ақ бір ай бұрын май экспортына шектеу алынады. Бұйрық жобасы "Ашық НҚА" порталында орналасқан.

Жаңа бұйрық қабылданған жағдайда, күнбағыс майын әкетуге квота мөлшері 110 мыңнан 114 мың тоннаға дейін ұлғайтылатын болады. Бұл ретте квота 2022 жылғы 1 маусымға дейін қолданылады. Бұған дейін шектеулерді тек 1 шілдеде алып тастау жоспарланған болатын. Күнбағыс тұқымдарының экспортына қойылған шектеулер 1 шілдеге дейінгі мерзімге 125 мың тонна көлемінде сақталды.

Ұсынылған өзгерістерге сәйкес, Ауыл шаруашылығы министрлігі өз сайтында квотаның барлық қолданылу кезеңіне өтінімдерді қабылдау туралы хабарландыру орналастырады. Егер бөлінбеген көлемдер қалса, онда АШМ квотаның қолданылу мерзімі аяқталғанға дейін 25 жұмыс күні бұрын тағы бір хабарландыру орналастырады.

Тақырып бойынша оқу: Күнбағыс бағасы төмендеді

Күнбағыс тұқымдарын әкетуге бір өтініш берушіге ай сайынғы лимит 1000 тоннадан аспайды, күнбағыс майын әкетуге – өндірушінің өндірістік қуатының 80% - ынан аспайды деп жоспарлануда.

Бұдан басқа, жаңа Ережелерде квотаның Қазақстан Республикасының аумағында өндірілген өнімге берілетіні нақтыланады.

Ауыл шаруашылығы министрлігінде түсіндіргендей, квоталардың қолданылу кезеңінде алты трейдерлік компаниядан 9,6 мың тонна көлемінде ресей өндірісінің күнбағыс майын экспорттауға өтінімдер беру анықталды. Бұл ретте Ресейде 2022 жылғы 31 тамызға дейін күнбағыс тұқымына 50%, бірақ тоннасына кемінде $320 мөлшерінде, күнбағыс майына - ай сайын әлемдік бағалардың серпінін ескере отырып қайта есептелетін экспорттық кедендік баж салығы тыйым салу бажы белгіленді.