Қазақстан мен Қытай арасында жүк тасымалдаудың жаңа т/ж бағыты іске қосылды

Қытайдың Шыңжаң - Ұйғыр автономиялық ауданы Тачэн округінің Усу қаласынан Алматыға 6 қарашада Қытай - Еуропа (Қытай - Орталық Азия) халықаралық теміржол жүк тасымалы шеңберінде жүретін алғашқы жүк пойызы аттанды. Бұл туралы «Синьхуа» хабарлады.

Үрімшіден шамамен 260 км қашықтықта орналасқан Усу қаласының станциясы 2024 жылдың қыркүйегінде Шыңжаңдағы Қытай-Еуропа (Қытай-Орталық Азия) халықаралық жүк тасымалы шеңберінде тұрақты жұмыс істейтін бағыттардың жүк жөнелту пункттерінің қатарына ресми түрде енгізілді. Қараша айында Усу станциясынан Еуропа мен Орталық Азия нарықтарына тауарларды экспорттау үшін Алашанькоу және Қорғас теміржол өткізу пункттері арқылы өтетін төрт жүк пойызы жөнелтіледі.

Пойыздар Усу-да және оған іргелес аудандарда өндірілген нақты ауыл шаруашылығы және өнеркәсіп тауарларын тасымалдау үшін тиімді және ыңғайлы халықаралық логистикалық арнаны қамтамасыз етеді, сондай-ақ Шыңжаңға және Бүкілқытайлық нарыққа Еуропадан, Орталық Азиядан және басқа өңірлерден жоғары сапалы өнімдердің шығуына жәрдемдеседі.