Қазақстан Қырғызстан мен Тәжікстанға 5 мың тонна ұн жөнелтті

Қазақстан Қырғызстан мен Тәжікстанға азық-түлік тапшылығы болмас үшін көмек жіберді. Бұл туралы Түркі тілдес мемлекеттердің Ынтымақтастық Кеңесінің (ТМЫК) кезектен тыс отырысында Қазақстан Республикасының Президенті Қасым-Жомарт Тоқаев мәлімдеді, деп жазады ТаджикТА.

Қазақстан Қырғызстан мен Тәжікстанға 5 мың тонна ұн жөнелтті.

Аталған іс-шараның күн тәртібіне сауда және транзиттік-көлік байланыстарын қамтамасыз ету, денсаулық сақтау саласындағы ынтымақтастық, Түркі кеңесіне қатысушы елдердің азаматтарына қажетті көмек көрсету мәселелері енгізілді. Қатысушылар коронавирустық инфекцияны жеңуге байланысты істеліп жатқан ұлттық деңгейде қабылданған шаралар туралы ақпаратпен алмасты.

Отырыста Қ.Тоқаев коронавирустың салдарын жеңу үшін бірлескен «Іс қимыл жоспарын»  әзірлеуді ұсынды.

«Мәжілістегі қабылданған құжатта өзара сауда мен инвестиция шараларын атап көрсету керек. Егер біз Түркі сауда-өнеркәсіп палатасы мен түркі инвестициялық қорының жұмысын жандандыратын болсақ, бұл жұмыстар барлық елге тиімді де пайдалы болар», деді мемлекет басшысы.

Еске сала кетсек, Қазақстан ұн экспортына квота бөлді, сәуір айындағы квота мөлшері 70 мың тоннаны құрайды. Бидай ұнын экспортқа шығаратын тізімде 67 компания.