ПО ҚазББҒЗИ Алматы бақтарында ғылыми тәжірибелер өткізеді

Қазақ бау-бақша ғылыми-зерттеу институтының (ҚазББҒЗИ) ғалымдары ғылым мен бизнесті байланыстыру мақсатында, ұзақ мерзімді стратегияны жүзеге асыру аясында Алматы облысы, Ащыбұлақ ауылында орналасқан Amal Bio өндіріс бақтарында тәжірибе жасау жұмыстарын бастайды. Бұл туралы институт қызметкерлері өздерінің Facebook парақшасында айтты.

Amal Bio өндірісі 4 институт зертханасынан 15 ғалымды өздерінің бау бақшаларына шақырды. Ғылыми тәжірибе жүргізу үшін олар әр түрлі екі учаскені таңдады, онда олар отандық ғылымның жетістіктерін қолданады және олардың импорттық үлгілермен қалай үйлесетіндігіне зерттеу жүргізуді жоспарлап отыр.

«Біз елімізде бау-бақша отырғызу мүмкіндіктерін әлі толықтай пайдаланбадық. Мұның себебі  агротехникалық шаралардың толық орындалмауы, отандық және импортталатын материалдардың үйлесімділігі бойынша тәжірибелік бақылаулардың болмауы болып отыр. Amal Bio компаниясының материалдық базасы отандық ғалымдардың ғылыми зерттеулері мен бағбандардың практикалық тәжірибесі бірге жақсы жемісін беретін орын болады деген үміттенеміз», - деп атап өтті ҚазББҒЗИ.

Ғылыми зерттеу институтының айтуы бойынша, Amal Bio компаниясының бақшалары Алатау бөктеріндегі жартасты жерде отырғызылған еуропалық бау бақша. Ағаштардан бастап жұмыс процесін ұйымдастыруға дейінгі барлық нәрсе еуропалық сапа бойынша ең жоғары стандарттарға сәйкес келеді.