Түркістан облысы қырыққабаттың жаңа өнімін экспорттай бастады

Қырыққабаттың алғашқы өнімі Түркістан облысы Жетісай ауданынан Ресейге жөнелтілді. Экспорттық жеткізілімдерді Ералиев ауылдық округінде жұмыс істейтін «Мырза ата» шаруа қожалығы бастады. Бұл туралы облыс әкімінің баспасөз қызметі хабарлады.

Қырыққабат 60 күнде пісті. 1 кг құны 175 теңгені құрайды.

Жетісай ауданының ауыл шаруашылығы және жер қатынастары бөлімінің басшысы Нұртас Тұрсынбековтың айтуынша, биыл ауданда 1200 гектарға ерте пісетін қырыққабат егу жоспарлануда, егін жинау болжамы - 36 мың тонна өнім. Өткен жылы аудан фермерлері сол алаңға қырыққабат егіп, 41 мың тонна өнім өндірді.

Ерте пісетін қырыққабаттың көп бөлігі Ресейге, Беларуссияға және Еуропа елдеріне экспортталады.

Жалпы, Жетісай ауданында биылғы жылы ауыл шаруашылығы дақылдары 79,2 мың га алаңға орналастырылады. Оның ішінде 42 мың га – мақта, 19 мың га – бақша, 3,5 мың га – көкөніс, 14 мың га – жемшөп дақылдарын егу жоспарлануда.