Түркиялық Alarko компаниясы Шымкентте құны 650 млн доллар болатын жылыжай кешенін іске қосады

Биыл Alarko түрік холдингі Шымкентте 650 млн доллар инвестицияланған жылыжай кешенінің бірінші кезегін іске қосуды жоспарлап отыр, деп хабарлады ҚР Үкіметінің баспасөз қызметі.

Жобаны Қазақстанда жүзеге асыруды ҚР премьер-министрінің бірінші орынбасары Роман Скляр мен холдинг басшылығы талқылады. Жылыжай кешенінің аумағы 500 гектардан асады. Ағымдағы жылы құрылыс жұмыстарын аяқтау және жобаның бірінші кезеңін пайдалануға беруді қамтамасыз ету жоспарлануда.

Холдинг басшылығы жылыжай салу аясында оның айналасында кезең-кезеңімен «әлеуметтік белдеу» құру жоспарланып отырғанын атап өтті. Оның ішінде халықаралық стандарттар бойынша агромамандарды даярлау үшін мамандандырылған академия салу.

Үкіметте Alarko Қазақстанда 1993 жылдан бері жұмыс істеп келе жатқанын атап өтті. Кездесу қорытындысы бойынша тараптар инвестициялық ынтымақтастықты одан әрі нығайтуға сенім білдірді.