Қазақстан 800 тоннаға жуық банан экспорттады

2025 жылдың 10 айында Қазақстан 231 мың доллар сомасына 799 тонна банан экспорттады. 2024 жылдың 10 айымен салыстырғанда банан экспорты 2,9 есе өсті. Бұл туралы Tradereport.Kz Telegram арнасы хабарлады.

Жеткізілімдер негізінен Ресейге (229,5 тонна, құны 122,1 мың доллар) және Өзбекстанға (545,8 тонна, құны 106,9 мың доллар) кетеді.

Естеріңізге сала кетейік, өнеркәсіптік деңгейде Түркістан облысында банан өндірісі жолға қойылған. «Анамус» сұрыпының банандары (аудармасы - «бананның анасы») түрік технологиялары бойынша іске қосылған жылыжайларда 5,3 гектар жерде өсіріледі. Алғашқы өнім 2024 жылы жиналды.