2020 жылы жануарларға вакцина егу бойынша 150,1 млн манипуляция жүргізіледі

2020 жылы жануарлардың аса қауіпті ауруларына қарсы вакцина егу бойынша 150,1 млн манипуляция жүргізу жоспарланып отыр, деп хабарлады ҚР Премьер-Министрі ресми сайты.

Хабарламада айтылғандай республикалық қорда 2020 жылы қажетті вакцина мөлшерінің 74% сақтаулы тұр, сондықтан да көктемгі ветеринариялық-сауықтыру іс-шараларын дер кезінде толықтай жүргізуге мүмкіндік бар.

2019 жылы Қазақстан аумағында жануарлар ауруының 146 ошағы тіркелгендігі атап айтылған, оның 131 ошағы жойылды, ал қалған 15 ауру ошағында ветеринарлық әс-шаралар жалғасуда. 2019 жылы жасалған вакцинация жұмыстарының нәтижесінде  ауру ошақтары 2018 жылмен салыстырғанда 12,5% төмендеген.