ETS-те астық сатушылар мен сатып алушылар бидай бағасы туралы келісімге келмеді

Еуразиялық сауда жүйесі биржасында сатып алушылардың белсенділігі өсті. Алайда, олар қазіргі бағамен бидай сатып алғысы келмейді және олар астық бағасының төмендеуін күтуде.

30 маусым, сейсенбі күні сатушылар аукционға жеті лот ұсынды, бағасы 94 мың теңге болатын 3 сұрыпты бидайдан екі лот шығарылды және бағасы 88 мың теңге болатын 4 сұрыпты бидайдан бес лот қойылды.

Өз кезегінде сатып алушылар 4 сұрыпты бидай бойынша үш ұсыныс жасады, олар тоннасына 84,5 мың теңгеден аспайтын бағамен жалпы көлемі 7 мың тонна бидай сатып алуға дайын екендіктерін білдірді.

Тоннасы- 89,5 мың теңге баға бойынша 4 мың тонналық 3 – сұрыпты бидай бойынша бір ұсыныс болды.

Алайда, аукциондардың ешқайсысында сатушылар мен сатып алушылар келісімге келген жоқ, сондықтан ETS-те сауда мәмілелері жасалған жоқ.