Қызылорда облысында жүгері сусыны шығарылуда

Қызылорда облысының Жаңақорған ауданында жергілікті кәсіпкер жүгері сусынын шығаруды қолға алды. Бұл туралы облыс әкімінің баспасөз қызметінен хабарлады.

Әкімдікте хабарланғандай, Кейден ауылының тұрғыны Қасым Абжаппаров 2017 жылы өзінің «Жүгері сусынын өндіру» жобасын іске асыру үшін 3 миллион теңге көлемінде мемлекеттік грант алды. Сонымен қатар, ол аймақтың кәсіпкерлікті қолдау қорынан 3 миллион теңге несие алды. Ал 2018 жылдың қараша айында кәсіпорын толықтай іске қосылды.

Компания өнімдері аудандағы бірнеше сауда нүктелерінде сатылады. Жүгері сусынына сұраныс жоғары, ал өтінімдер басқа аймақтардан келіп түсуде.

Бүгінгі таңда Қасым Абжаппаров ауылдың екі тұрғынын жұмыспен қамтамасыз етіп отыр. Сонымен қатар, кәсіпкер аз қамтылған отбасыларға көмек көрсетеді, қайырымдылық шараларына белсенді түрде қатысады.