Қазақстанда 7 млн тоннадан астам бұршақ және дәнді дақылдар жиналды

1 қыркүйекке дейін Қазақстанда 7 млн тоннадан астам дәнді және бұршақты дақылдар жиналды. Бұл туралы Ауыл шаруашылығы министрлігінің баспасөз қызметі хабарлады.

«1 қыркүйекке 5,8 млн гектардан астам бұршақты және дәнді дақыл бастырылды. Бұл барлық егіс алқабының 37,3% құрайды. Орташа өнімділік гектарынан 12,2 центнерді құрайды, 7 млн тоннадан астам астық орылды», - деп хабарлады ведомстводан.

Жамбыл өңірінде үшінші онкүндіктің басында егін жинау жұмыстары аяқталды, онда биыл 359,3 мың га дәнді және бұршақты дақылдар егілген еді, жамбылдықтар 816,6 мың тонна бастырды, бұл өткен жылмен салыстырғанда 136 мың тоннаға артық. Аталған науқан егістік алқабын 26 мың гектарға дейін кеңейту арқылы және түсімділікті гектардан 2,3 центнерден- 22,7-ге дейін арттыру есебінен қол жеткізілді.

Батыс Қазақстан және Түркістан облыстарында алқаптардың 95% - дан астамы жиналды. Өткен жылы осы мерзімде өңірде 75% - ға жуық астық жиналған болатын. Қазіргі уақытта БҚО-да орташа өнімділік гектарына 11,3 центнер, Түркістан облысында гектарына 23,8 центнер деңгейінде болып отыр.

Алматы облысында егіс алқабының жартысынан көбі жиналды.

Қалған өңірлерде-Ақмола, Ақтөбе, Шығыс Қазақстан, Қарағанды, Қостанай, Қызылорда, Павлодар және Солтүстік Қазақстан облыстарында-қазіргі уақытта алқаптардың 23-43% жиналды.