Түркістан облысында астық жинау басталды

Түркістан облысының Сарыағаш ауданында дәнді дақылдарды жинау басталды. Бұл туралы аудан әкімдігінде хабарлады.

Әкімдік аграрийлер әр күнді тиімді пайдалану және астықты қоймаларға уақтылы жеткізу үшін бар күш-жігерін салатынын атап өтті.

Сарыағаш ауданының әкімі Арман Абдуллаев Дарбаза кентінде жинау барысымен танысып, «ТННК» ЖШС алаңдарын аралады. Серіктестік басшысы Нұржан Ордабаевтың айтуынша, биыл шаруашылық 422 гектар бидай егіп, 15 ц/га өнім алған. Бұл қолайсыз ауа-райына қарамастан фермерлердің жұмысының тиімділігін көрсетеді.

Аудан басшысы фермерлерге жемісті жұмыс тіледі.