Қазақстан маусым қорытындысы бойынша 13 млн тонна астық экспорттауды жоспарлап отыр

Маркетингтік жылдың қорытындысы бойынша Қазақстан астық экспортын 13 млн тоннаға дейін өсіруді жоспарлап отыр. Бұл туралы үкіметте өткен брифингте вице-премьер –  ұлттық экономика министрі Серік Жұманғарин мәлімдеді.

«Осы жылдың жеті айында астық баламасында 8,9 млн тонна астық пен ұн жөнелтілді, бұл өткен жылмен салыстырғанда 27%-ға артық. Маркетингтік жылдың қорытындысы бойынша астық эквивалентінде 13 млн тонна экспорт болжануда, бұл өткен жылға қарағанда +44%», - деді Жұманғарин.

Ол астық экспортының айтарлықтай өсуі Орталық Азияға - плюс 35%, Иран - 17 есе, Әзірбайжанға - 113 есе, Ресей арқылы - төрт есе, Балтық жағалауына – сегіз есе және Қара теңізге – плюс 52%-ға байқалатынын атап өтті. Марокко, Алжир, Вьетнамға жеткізу басталды.

Сондай-ақ, вице-премьер ағымдағы жылы астық өнімі соңғы жылдардағы орташа жылдық көрсеткіштер деңгейінде күтілетінін айтты. Бұған агротехникалық іс-шараларды уақтылы қаржыландыру да ықпал етеді.

Сонымен қатар, оның айтуынша, өсімдік майларының экспорты жеті айда 38%-ға өсіп, 384,6 мың тоннаға жетті. Бір жылға болжам - шамамен 670 мың тонна.