KazGrain мен ҚТЖ - Жүк тасымалы компаниялары меморандумға қол қойды

KazGrain экспорттаушылар қауымдастығы мен ҚТЖ- Жүк тасымалы компаниясы серіктестік қызмет жасау мақсатында бірлесіп жұмыс істеу туралы меморандумға қол қойды. Бұл туралы қауымдастық хабарлады.

KazGrain-де мәлімдегендей, екі тарап Қазақстан Республикасының экспорттық әлеуетін дамытуға бағытталған өзара тиімді ынтымақтастық орнатуға келісті.

«Тараптар бірлесіп, адалдық және теңдік қағидаттары бойынша серіктес компания ретінде жұмыс істеуге ниетті», - деп атап өтті Қауымдастық.

Бұған дейін KazGrain компаниясы Азық-түлік келісім шарт корпорациясымен қазақстандық ауыл шаруашылық өнімдерін сыртқы нарыққа шығаруға ынтымақтастық туралы келіскен болатын.

KazGrain компаниясы ағымдағы жылдың шілде айында саудагерлер мен ауыл шаруашылық тауар өндірушілері үшін астық экспортына шектеулер енгізілген мәселеден кейін құрылды.