АШМ импорттық және қазақстандық ауылшаруашылық техникаларына бірдей субсидия береді
Агроөнеркәсіптік кешенді дамытудың 2022-2026 жылдарға арналған ұлттық жобасының бір бағыты – тиімділігі жоғары дақылдар өндірісін арттыру болып табылады. Бүгін Тұжырымдаманы таныстыру кезінде Ауыл шаруашылығы вице-министрі Рүстем Курманов, айтқандай, бұл бағытты дамытудың бір жолы - шаруа қожалықтарын техникалық құралдармен қамтамасыз ету.
«Біз техниканың қай елден шығарылатынына қарамастан қол жетімді болуына назар аударамыз. Себебі отандық немесе импорттық техниканы қолдау қажет пе деген дау туындайды. Бұл жағдайда біз фермерді қолдаймыз деп ойлаймыз. Егер оларға отандық және импорттық техника қажет болса, онда соған субсидия бөлуіміз керек», - деді Рүстем Курманов.
Сондай-ақ, аталған тұжырымдаманы құрастырушылардың пікірінше, техника қалдықтары жинау бойынша берілетін жеңілдік сертификаттар техникаларды жаңартуға мүмкіндік беруі керек. Сондай-ақ инвестициялық субсидиялар шеңберінде шығындар лимиттерін қайта қарау жоспарлануда.
Тақырыпқа байланысты оқу: Павел Лущак: Темір қалдықтарын жинау бізді артқа тартуда
Ауыл шаруашылығы министрлігі қазіргі таңда өсімдік шаруашылығына әсер ететін негізгі проблемаларды атап өтті. Біріншіден, түсім әлі де табиғи-климаттық жағдайларға тікелей байланысты. Элиталық тұқымдарды пайдалану артып келеді, алайда әліде болса аз. Минералды тыңайтқыштарды қолдану, ауыл шаруашылық техникаларын жаңарту және заманауи агротехнологияларды қолдану да төмен деңгейде.
«Біздің елде инновацияға консервативті көзқарас бар. Фермерлер өздерінің қаржылық мүмкіндіктеріне байланысты инновацияларды енгізе алмайды немесе олар туралы білмейді », - деді вице-министр.
Осы бағытты дамыту аясында ФАО сарапшылары жауапты жер пайдаланушы ретінде қолдануды енгізуді ұсынды. Егер жер пайдаланушы ауыспалы егісті қолданса, егіс алқабына агрохимиялық зерттеу жүргізсе, жерді ұтымды пайдаланса, өсімдік шаруашылығында заманауи сақтандыру әдістерін қолданса, онда ол мемлекеттік қолдау шараларына қол жеткізеді. Осындай жағдайда алдын-ала субсидия беру мәселесі қарастырылуда.
Сонымен қатар, бес жылдық Ұлттық жоба еңбеккерлерді арзан тыңайтқыштармен және өсімдіктерді қорғау құралдарымен қамтамасыз етеді.
Сондай-ақ, өндірістік органикалық тыңайтқыштарға субсидия беру енгізіліп, минералды тыңайтқыштарды бөлу артады.
«Қазіргі уақытта бізде химиялық қоспалар өте көп, кез-келген жерден тыңайтқыш сатып алуға болады. Өндірушілер вагонмен сатады, айталық, 60 тонна сатылатын болса, шағын өндіруші мұндай көлемді сатып ала алмайды, ал тыңайтқыш керек, осыдан қиындық туындайды», - деді Рүстем Курманов.
Тақырыпқа байланысты оқу: Аммофос және агроғылым фермерге өнімдерін арттыруға көмектесті
Сонымен қатар, тұқымды, жалпы алғанда селекциялық жетістіктердің мемлекеттік тізілімі аясында сорттарды сынау жүйесін автоматтандыруды әзірлеу жоспарлануда.
Егістікті әртараптандыруға экономикалық тұрғыдан қолдау көрсетілетін болады, бұл процесті мемлекеттік органдар басқарады. Ұлттық жобаның тұжырымдамасында әртараптандыру көрсеткіштеріне қол жеткізбегені үшін әкімдіктердің жауапкершілігін енгізу көзделген; әртараптандыру нәтижелерін үкіметтік деңгейде қарау; өсімдік шаруашылығындағы субсидия мөлшерлемесін төмендету немесе арттыру мүмкіндігін қамтамасыз ету көзделген.
Өсімдік шаруашылығын қаржыландыру
Алдын-ала жасалған есептеулер бойынша, тиімділігі жоғары дақылдар өндірісін мемлекеттік қолдау 607,651 млрд теңгені құрайды, оның ішінде 2022 жылы 107 595 млн, 2023 жылы 114 155 млн, 2024 жылы 121 086 млн, ал 2025 - 129 706 миллион теңге және 2026 жылы - 135 109 миллион теңге болады.
Тыңайтқыштарға субсидия бөлу 2022 жылы 34,8 млрд теңге, 2023 жылы - 36,7 млрд теңге, 2024 жылы - млрд теңге, 2025 жылы - 39,7 млрд теңге, 2026 жылы - 41,3 млрд теңгені құрады.
Өсімдіктерді қорғау құралдарын субсидиялау: 2022 жылы - 46,1 млрд теңге, 2023 - 48 млрд теңге, 2024 - 50 млрд теңге, 2025 - 52 млрд теңге, 2026 - 54 млрд теңге.
Дақылдардың тұқымына бөлінетін субсидия: 2022 жылы - 6 542 млн теңге, 2023 - 8 923 млн теңге, 2024 - 11 743 млн теңге, 2025 - 15 904 млн теңге, 2026 - 17 018 млн теңге.
Сұрыптарды тестілеуді модернизациялау: 2022 жылы- 3,385 млн теңге, 2023 - 3 237 млн теңге, 2024 - 3 183 млн теңге, 2025 - 3 236 млн теңге, 2026 - 3 153 млн теңге.
Судың құнын субсидиялау: 2022 жылы - 2 млрд теңге, 2023 - 2,05 млрд теңге, 2024 - 2 096 млн теңге, 2025 - 2 105 млн теңге, 2026 - 2 114 млн теңге.
Мелиоративтік мониторинг жүргізу: 2022 жылы- 0,8 млн.теңге, 2023 - 0,8 млн.теңге, 2024 - 0,7 млн.теңге, 2025 - 0,6 млн.теңге, 2026 - 0,6 млн.теңге.
Негізгі дақылдарды субсидиялау: 2022 жылы- 14 767 млн теңге, 2023 - 15 244 млн теңге, 2024 - 15 863 млн теңге, 2025 - 16 760 млн теңге, 2026 - 17 521 млн теңге.