Қазақстанда 9,4 млн тонна астық қоры жинаулы тұр

Қазақстанда астық және бұршақ дақылдарының қоры 1 сәуірдегі мәлімет бойынша 9 387 697 тоннаны құрайды, бір айда 658,5 мың тоннаға кеміді. Бұл туралы Ұлттық статистика бюросы хабарлады.

Статистикалық мәліметтерге сәйкес, азық-түлік мақсаттарына арналған астықтың жалпы қоры 6,6 млн тоннаны құрайды. Оның 1,6 млн тоннасы тұқымға, 1,15 млн тоннасы жем үшін сақтаулы тұр.

Осы айдың басында бидайдың қоры- 7,5 млн тоннаны құрады (азық-түлікке 5,8 млн тонна, тұқымға 1,25 млн тонна, мал азығына 404,5 мың тонна).

Қоймада қалған жүгері мөлшері -157,4 мың тонна (азық-түлікке 32,5 мың тонна, тұқымға 2,8 мың тонна, жемге 122,1 мың тонна), күріш - 253,2 мың тонна (азық-түлікке 225,6 мың тонна, тұқымға 27,6 мың тонна), арпа - 1,25 миллион тонна (азық-түлікке 439,2 мың тонна, тұқымға 257,8 мың, жемге 557,3 мың).

Сұлы 94 мың тонна, қара бидай - 12,4 мың тонна, қарақұмық - 15,4 мың тонна, тары - 8,6 мың тонна, жарма қоспасы 28,2 мың тонна сақтаулы.

Тақырыпқа байланыстыоқу: Алтын қор: қазақстандық астық қайда және қалай сақталуда

Республика аймақтарының ішінде астықтың ең үлкен қоры Ақмола облысында - 2,9 млн тонна, Солтүстік Қазақстан облысында - 2 млн тонна, Қостанай облысында - 1,9 млн тонна, Шығыс Қазақстан облысында - 519,6 мың тонна және Қарағанды ​​облысында - 485,8 мың тонна сақталуда.

Естеріңізге сала кетейік, үкімет диірменшілерге астық егетін аймақтардан елдің оңтүстік аймақтарына теміржолмен тасымалдау шығындарының орнын толтыру үшін 2,6 млрд теңге бөлуді жоспарлауда. Үкіметтің тиісті қаулысы мақұлданғаннан кейін қаражат нан бағасын тұрақтандыруға бағытталады.