Қазақстан Қытайға жем жасайтын арпаны экспорттауды жоспарлап отыр

Ауыл шаруашылығы министрлігі ҚХР-дың Бас кедендік басқармасымен (БКБ) қол қоюды жоспарлап отырғандықтан мал азығына арналған арпаны экспорттау үшін  фитосанитарлық талаптар бойынша хаттама жобасын дайындады.

Аталған жобада экспортталатын өнімге қойылатын талаптарды көрсетілген. Атап айтқанда, арпаның құрамында Қытай тарапы көрсеткен карантиндік зиянкестер болмауы керек: Trogoderma spp., Mayetiola destructor (Say) және Tilletia controversa Kuhn. Сондай-ақ, құрамында шөптің тұқымдарын, тірі жәндіктер, басқа дәнді қоспалар, өсімдік қалдықтары, топырақ және басқа карантиндік зиянкестер, карантиндік материалдар немесе бөгде қоспалар болмауы тиіс.

Дәннің көлемі 1,2 мм-ден аспауы керек. Сонымен қатар эпидемиялық аймақтардың бидай, арпа тәрізді өнімдері араласпауы қажет.

Тақырыпқа байланысты оқу: Өндірушілер субсидия беру тәртібіне көңілдері толмауда

ҚХР-дың Бас кедендік басқармасында тіркелген өндірушілер мен кәсіпорындар өнімдерін экспортқа шығара алады. Өнімдерді ылғалды өңдеуден өткізу үшін жеткілікті деңгейде ыстық бумен қамтамасыз ететін өндірістік желі қажет. Арпадан жасалған жемді өндіру мен өңдеу кезінде температура кем дегенде 85 градус, салыстырмалы ылғалдылық кем дегенде 80%, ал өңдеу уақыты кемінде 5 минут болуы керек.

Сонымен бірге, өнім орамына қойылатын талаптар да бар. Олар фитосанитарлық және тамақ қауіпсіздігінің талаптарына сәйкес келетіндей таза, гигиеналық, желдетілетін материалмен қапталуы қажет. Жемге арналған арпаны экспортқа шығарар алдында Қазақстан тексеріс жасап, карантин жүргізіп, әр партияға фитосанитарлық сертификат беруі керек.

Тақырыпқа байланысты оқу: KazBeef сиыр етін Дубайға экспорттай бастады

Аталған өнімдер Қытайға кіретін порттарға жеткізілгенде, Қытайдың кедендік органдары карантин мен тексеріс жүргізеді. Егер ұннан зиянкестер табылса, Қытай жағы Қазақстанға хабарлайды және импортты тоқтатады.