Ауыл шаруашылығы министрлігі бұқалар мен қошқарлардың экспортына квота беруді ұсынады

Ауыл шаруашылығы министрлігі Сыртқы сауда саясаты мәселелері жөніндегі ведомствоаралық комиссияға тірі малдың экспортына квота енгізуді ұсынды, бірақ ВАК бұқалар мен қошқарларды экспорттауға толық тыйым салуды ұзарту туралы шешім қабылдады. Қазір ауыл шаруашылығы министрлігі бұл мәселені қайта қарауды жоспарлап отыр. Бұл туралы бүгін ОКҚ брифингінде Ауыл шаруашылығы министрі Ербол Қарашөкеев мәлімдеді.

"Отырыста ВАК АШМ-нің ауыл шаруашылығы малдарын квоталау жөніндегі ұсынысын қолдамады және ІҚМ мен ҰММ шығаруға тыйым салуды ұзарту туралы шешім қабылданды. Біз алдағы айда осы шешімді қайта қарау туралы ұсыныспен тағы да шығатын боламыз", - деді Ауыл шаруашылығы министрлігінің басшысы.

Ол статистика мәліметтері бойынша, 1 шілдедегі жағдай бойынша Қазақстанда ІҚМ басы 9,9 млн басты, оның ішінде 4,5 млн бас сиырды құрағанын атап өтті. Ағымдағы жылдың төлі 3,1 млн басты құрады, қалған мал басы - 2,3 млн- бұл тұқымдық бұқалар, құнажындар, қашарлар, алдыңғы кезеңдердегі бұқалар.

ЖАЖ деректері бойынша 12 айдан 2 жасқа дейінгі бұқалардың саны 675 мың басты, еркек тоқтылар – 1,1 млн басты құрайды.

"Фермерлердің табысын арттыру және қолдау мақсатында квота белгілеу ұсынылды. АШМ бұқашықтардың экспортына 30 мың бас мөлшерінде квота белгілеуді ұсынды, бұл бұқашықтардың жалпы басының 4,4% құрады және қошқарлардың экспортына 60 мың бас квота ұсынды, бұл мал басының 5%. АШМ есептеуінше, бұқалар мен тоқтылардың қалған 95% ішкі қажеттілікті қамтамасыз ету және ет өңдеу кәсіпорындарын жүктеу үшін жеткілікті болды", - деп хабарлады Ербол Қарашөкеев.

Сонымен бірге, Ауыл шаруашылығы министрлігі Қаржы министрлігімен бірлесіп алты ай мерзімге ірі қара мен ұсақ малды әкетуге тыйым салу туралы бұйрықтың жобасын талқылауға шығарды.