Мал экспортына тыйым салу квоталаумен ауыстырылды

31 тамызда өткен сыртқы сауда саясаты және Халықаралық экономикалық ұйымдарға қатысу мәселелері жөніндегі ведомствоаралық комиссияның (ВАК) отырысында ірі және ұсақ қара малды әкетуге квоталар белгілеу туралы шешім қабылданды. Бұл туралы премьер-министрдің баспасөз қызметі хабарлады. 

Бұқашықтарды әкетуге квота 60 мың бас (жалпы мал басының 9%), еркек тоқтыларды әкетуге - 120 мың бас (мал басының 10%) мөлшерінде белгіленді.

Аналық малды әкетуге толық тыйым салыну сақталады. 

Статистика деректері бойынша, 2022 жылғы 1 тамыздағы жағдай бойынша Қазақстандағы ірі қара мал саны 9,4 млн басты құрайды, оның ішінде — 4,5 млн бас сиыр, төл - 3,2 млн бас.

Ірі қара мен ұсақ малды әкетуге тыйым салу Қазақстанда 2022 жылғы 21 қаңтардан 21 шілдеге дейін қолданылды. Алдыңғы отырыстарда ВАК малды әкетуге толық тыйым салуды ұзартуды шешті. Тамыз айының соңында осы шешімді орындау үшін ауыл шаруашылығы министрі мен қаржы министрінің бірлескен бұйрығы шықты. Сонымен бірге, Ауыл шаруашылығы министрлігі ВАК отырысында толық тыйым салудың орнына мал әкетуге шектеулер енгізуді ұсынды.

Сондай-ақ ВАК-та 31 тамызда мерзімінен бұрын, 10 қыркүйектен бастап бидай мен ұн экспортына шектеулерді алып тастау туралы шешім қабылданды.