Agroworld Kazakhstan-да құс шаруашылығындағы технологиялар талқыланады

Agroworld Kazakhstan көрмесі Алматыда 2-4 қарашада өтеді. Іс-шараның іскерлік бағдарламасы аясында бірқатар сессиялар мен семинарларды қамтитын Агроөнеркәсіптік кешен форумы өтеді. Олардың бірі құс шаруашылығына арналады.

"Құс шаруашылығындағы рентабельді бизнес үшін сенімді технологиялар" сессиясы 2 қараша, 14:00-ге жоспарланған. Ол Атакент КҚКО № 11 павильонының № 2 семинар залында өтеді.

Сессияны Қазақстан құс өсірушілер Одағының президенті Руслан Шарипов модерациялайды. Айтпақшы, Құс өсірушілер одағы сессияның бас серіктесі, ресми серіктестері - Cobb Еуропа және Ava Qazaqstan.

Сессия спикерлері бүгінгі нарықтағы бройлер экономикасы туралы әңгімелейді, инкубациялық жұмыртқаларды автоматтандыруға арналған инновациялық шешімдерді ұсынады, аурулардың мониторингі мен респираторлық аурулардың алдын алуды, сондай-ақ рентабельді бизнесті жүргізудің негізгі факторларын қоса алғанда, басқа да өзекті мәселелерді талқылайды.

Көрмеге билет алу үшін алдымен сілтеме бойынша келудің ыңғайлы уақытын таңдау мүмкіндігімен онлайн тіркелуден өту қажет.

Көрмеге бару күні мен уақытын қазір жоспарлаңыз, сонымен қатар тіркелу кезінде арнайы AWK2022FBS промокодын пайдаланыңыз және оны әріптестеріңізге хабарлаңыз!