Қазақтың ақбас сиыры жайлы фильм түсіріледі

Қазақстанда ақбас сиыр туралы деректі фильм түсірілімі басталады. Бұл жаңалықты   Қазақ ақбас тұқымының республикалық палатасы Facebook парақшасында жазды.

Хабарламада айтылғандай,  фильмде аталған тұқымның тарихы туралы: оның қалай пайда болғандығы және қандай кезеңдерден өткендігі туралы баяндалады.

«Бұл деректі фильм негізінен, көрермендердің / фермерлердің / кәсіпкерлердің назарын осы тұқымды болашақта одан әрі дамытуға аударады деп ойлаймыз. Мұнда фермердің, ғалымның және ақбас сиырдың тұқымын дамытуға қатысушылардың барлығының ерен еңбегі жайлы көрсетілетін болады», - делінген хабарламада. 

Палатаның мәліметінше, түсірілім тобы қазірдің өзінде 5 фермада болған, олардың төртеуі Батыс Қазақстан облысында орналасқан. Ал бесіншісі орын Ақмола облысындағы Жан Береке фермасы болған, сол жерде  түсірілім тобы әйгілі қызғылт көлдің жағасында суретке түскендерін Палата өз парақшасында жариялады.

Бұған дейін хабарланғандай, мәрмәр ақбас сиырдың еті жақын уақытта қазақстандық мейрамханаларда берілетін болады.