Эмкар Ақтөбе облысының шаруашылығында анықталды

Ақтөбе облысының Қарауылкелді ауылдық округіндегі шаруашылықта ірі қара малдың эмфизематозды карбункуласы анықталды. Осыған байланысты шаруашылық аумағында карантин енгізілуде.     

"Ақтөбе облысы Байғанин ауданы Қарауылкелді ауылдық округінің Тірітам қыстау аумағында ірі қара мал арасында эмфизематозды карбункул ауруы анықталуына байланысты карантин белгіленсін", - делінген ауылдық округ әкімінің шешім жобасында.

Шешім қол қойылған күнінен бастап қолданысқа енгізіледі.

Бұған дейін Ақтөбе облысындағы "Сарым" шаруа қожалығында аурудың анықталғаны туралы хабарланған болатын.