Құс етінен жартылай фабрикаттар өндірісі Қосшыда іске қосылды

Қазақстанда қуаттылығы жылына 3 мың тонна құс етінен жасалған жартылай фабрикаттар өндірісі Қосшыда іске қосылды. «IL TOV» ЖШС инвестициялық жобасының құны 3 млрд теңгені құрады, деп хабарлады Ақмола облысы әкімінің баспасөз қызметі.

Зауыт бірнеше ай бұрын жартылай фабрикаттардың алғашқы партиясын шығарды. Өндіріс желісі Германия мен Испаниядан жоғары технологиялық жабдықты пайдаланады.

Зауыт директоры Сәния Омарованың айтуынша, кәсіпорынды шикізатпен Макинск құс фабрикасы, дәмдеуіштер мен қаптамамен - қазақстандық өндіріс қамтамасыз етеді.

«Біздің зауыт - жергілікті өнім өндіруге, қазақстандық қамтуды арттыруға және осы сегменттегі импорттың елеулі үлесін ауыстыруға мүмкіндік беретін мемлекеттің қолдауымен іске асырылатын инвестициялық жоба», - деді Сәния Омарова.

Компания өнімдерді негізінен Қазақстанның ірі қалаларында сатады, ал болашақта Өзбекстан мен Ресейге экспорт жоспарлануда.

IL TOV-тың алдағы жоспарларында тағы екі желіні қойып, өндіріс қуаттылығына 10-12 мың тонна шығу жоспарлануда, қосымша инвестиция көлемі шамамен 4 млрд теңгені құрайды.