Ауыл шаруашылығы министрлігі мал экспортына жаңа квоталар енгізуде

Қазақстанның Ауыл шаруашылығы министрлігі бұқалар мен қошқарларды алты ай мерзімге экспорттау туралы қаулы жобасын дайындады.

12 айдан асқан бұқалардың экспортына 85 мың бас және алты айдан асқан қошқарлар - 120 мың бас мөлшерінде сандық шектеулер белгілеу жоспарлануда.

Квоталардың жалпы көлемінде бұқаларды экспорттау шегі:

• бордақылау алаңдары үшін – 55 мың бас;
• тауар өндірушілер үшін – 30 мың бас.

Бұл ретте бір мал бордақылау алаңына квота алу шегі 4 мың басқа, ал бір тауар өндірушіге 500 бастан аспайтын мөлшерде белгіленген.

Қошқарларды экспорттау квотасы:

• бордақылау алаңдары үшін – 60 мың бас;
• тауар өндірушілер үшін – 60 мың бас.

Бір мал бордақылау алаңы үшін квота алу шегі 1000 басқа, ал бір тауар өндіруші үшін 500 бастан аспайды.

Тірі ірі қара малды экспорттауға квоталарды бөлу экспортқа лицензия берілгеннен кейін олар толығымен таусылғанға дейін автоматты түрде жүзеге асырылады.