Түркістан облысында мал шаруашылығына 200 млн теңгеден астам субсидия ұрланған

Түркістан облысының Сауран ауданында мал шаруашылығын дамытуға субсидия ретінде бөлінген 200 млн теңгеден астам қаражатты жымқыру схемасы анықталды. Бұл туралы облыс прокуратурасының баспасөз қызметі хабарлады.

Прокуратураның мәліметінше, аудан тұрғыны жалған растайтын құжаттар арқылы 20 адамның электрондық-цифрлық қолтаңбасын пайдаланған және үш жыл ішінде мемлекеттен іс жүзінде болмаған ірі қара мал үшін 203 млн теңге субсидия алған.  

Нәтижесінде мемлекетке айтарлықтай зиян келтірілді.

Күдікті екі ай қамауға алынды.