Ауыл шаруашылығы министрлігі сиыр етін экспорттаушыларға қойылатын талаптарды жеңілдетеді

ҚР Ауыл шаруашылығы министрлігі сиыр еті экспортына сандық шектеулерді (квоталарды) бөлу ережелеріне өзгерістер енгізу туралы бұйрық жобасын дайындады. Өзгерістер сиыр етін экспорттауға құқығы бар компаниялардың санын кеңейтуге мүмкіндік береді. Мұндай шешім Сыртқы сауда саясаты мәселелері жөніндегі ведомствоаралық комиссияның (ВАК) отырысында қабылданған болатын.

Құжат сиыр етін экспорттауға рұқсаты бар экспорттаушыларға қойылатын критерийлерді өзгертеді. Біріншіден, меншікті ет комбинаттары бар бордақылау алаңдарына қойылатын талаптардың шегі - 5 мыңнан 500 басқа дейін төмендейді. Екіншіден, экспортқа үшінші тарап ет өңдеу кәсіпорындары арқылы жұмыс істейтін меншікті ет комбинаттары жоқ 5 мың басқа арналған бордақылау алаңдары құқылы.

Естеріңізге сала кетейік, үкімет мал шаруашылығын дамытудың 2026-2030 жылдарға арналған Кешенді жоспарын қабылдады, ол ірі қара мал басын 7,9 млн-нан 12 млн басқа дейін ұлғайтуды және ет экспортын кеңейтуді көздейді. Саланың дамуымен бір мезгілде ет экспортына шектеулерді біртіндеп алып тастау жоспарлануда.