Әулиекөл ауданында бруцеллезге байланысты шектеулер енгізілді

Қостанай облысы Әулиекөл ауданы Қазанбасы және Октябрьское ауылдарының аумағында ІҚМ арасында бруцеллездің таралуына байланысты шектеу іс-шаралары енгізілді. Бұл ретте «Абдуллаев Н.Я.» ШҚ мал шаруашылығы шектеулерге жатпайды.

Шектеулер қолданылу уақытына Қазанбасы және Октябрьское ауылдарына сау жануарларды кіргізуге болмайды, ал малды союға жіберген кезде ғана әкетуге жол беріледі. Сондай-ақ қолайсыз аумақта басқа аумаққа жеткізу үшін шөп, сабан және басқа да жемшөп дайындауға тыйым салынады. Жануарлардың немесе адамдардың жиналуына байланысты іс-шараларға тыйым салынады.

Бруцеллез ауруының ошақтарында ветеринариялық-санитариялық іс-шаралар жүргізілетін болады.