Қарағанды облысында 20,5 мың құс ұстауға арналған құсхана іске қосылды

Қарағанды облысының Бұқар жырау ауданында «Ақнар-ПФ» ЖШС-нің 28-ші құсханасы іске қосылды. Нысан 20,5 мың құс ұстауға есептелген және жылына 250–280 тонна тауық етін өндіруге мүмкіндік береді. Бұл туралы Қарағанды облысының әкімдігі хабарлады.

Қазір кәсіпорын жыл сайын шамамен 9 мың тонна құс етін өндіреді. Өндірістік қуаттарды кеңейту өнім көлемін арттырып, жаңа жұмыс орындарын ашуға мүмкіндік береді.

Жаңа құсхана еуропалық жабдықтармен және жасанды интеллект қолданылатын климатты бақылау жүйесімен жабдықталған. Жүйе климаттың өзгеруін ескере отырып, құстарды ұстау жағдайларын автоматты түрде реттейді.

Кәсіпорын директоры Виктор Колчевтің айтуынша, бұл жүйе жабдықтардың жұмысын дәлірек басқаруға және энергия ресурстарын үнемдеуге де мүмкіндік береді. Құсхана металл конструкциялар мен сэндвич-панельдерден салынған. Олар жылуды сақтауға көмектесіп, қора-жайларға қызмет көрсетуді жеңілдетеді.