Қазақстанда 10 жыл ішінде балық өсіруге 345 миллиард инвестиция салу жоспарланған

Экология, геология және табиғи ресурстар министрлігі Балық шаруашылығын дамыту бағдарламасын жасады, онда 2030 жылға қарай аталған өндірісті 30 есеге арттыру қарастырылған: жылына 9-дан 270 мың тоннаға дейін балық өсірілетін, болады. Осы уақыт аралығында бұл салаға 345 миллиард теңге жеке инвестиция салынады деп күтілуде. Бұл туралы брифингте Экология министрі Мағзұм Мирзағалиев мәлімдеді.

Ол аталған бағдарлама бойынша 545 жаңа балық өсіру фабрикасын салу және 323 жұмыс істеп тұрған шаруашылықтардың кеңейту туралы жоспармен бөлісті.

Қазіргі таңда аталған сала жақсы дамуда. Соңғы үш жылда балық өндірісі 1,7 есеге өсті: 2018 жылы - 5,6 мың тонна, 2019 жылы - 7,4 мың тонна, 2020 жылы - болжам бойынша 9,4 мың тонна артты.

Жоспарларды жүзеге асыру үшін Экология министрлігі сапалы балық тұқымын және жем сатып алады, сондай-ақ ғылыми кадрлармен қамтамасыз ету бойынша жұмыстар жүргізеді.

Тақырыпқа байланысты оқу: Қарағандыда балық және малға арналған жем жасайтын өндіріс салынатын болады

Аталған салаға субсидия түрінде мемлекеттік қолдау көрсетілетін болады, оның ішінде балық өсіруге қаражат мақсатты түрде бөлінеді.

«Жоспарланған іс-шараларды жүзеге асыру 10 жылда 2,2 трлн теңгені құрайтын 1,1 млн тонна балық өсіруге мүмкіндік береді. Екіншіден, балық өнімдерінің ішкі тұтынуын жылына 134 мың тоннаға дейін арттыруға мүмкіндік туады. Үшіншіден, экспорттық кірістің 330 миллион долларға дейін өсуіне қол жеткізуге болады», - деді Мағзұм Мирзағалиев.

Сонымен қатар, лосось мен бекіре тұқымдас балықтарды өсіруді ұлғайту арқылы сырттан келетін балық импорты көлемін 45-тен 25 мың тоннаға дейін төмендету жоспарлануда.

Аталған бағдарламаны жүзеге асыра отырып, кем дегенде 50 мың қосымша жұмыс орны ашылатын болады.