Қазақстанның фермерлер одағы малды экспорттауға рұқсат беруге қарсы

Қазақстан фермерлер одағы ауыл шаруашылығы министрлігінің квота бойынша тірі малдар мен қойларды экспорттауға рұқсат беру туралы шешімімен келіспейді. Фермерлер ішкі нарықта ет бағасы тұрақталғанға дейін мал экспортына тыйым салуды ұсынып отыр. Аталған Одақ  мүшелерінің үндеуі Facebook парақшасында жарияланды.

Бұған дейін Ауыл шаруашылығы министрлігі бұқалар мен қойларды экспорттауға мүмкіндік беретіндерін, ал экспорт квотасының мөлшері жақын арада анықталатындығын хабарлаған болатын.

«Осыған байланысты мынандай мәселе туындайды: Ауыл шаруашылығы министрлігі фермерлерге квотаны қалай бөледі немесе ол тек ірі шаруа қожалықтарына ғана қол жетімді бола ма? Экспорт кезінде малдың түрін қалай анықтайды және осы мәселелерге кім нақты жауап береді»? – деп жазылған фермерлер одағының хабарламасында.

Тақырыпқа байланысты оқу: 2021 жылы ет бағасы қалай болады

Сонымен қатар, Мемлекет басшысы 5 жыл ішінде өңделген ауыл шаруашылық өнімдерінің экспортын 2,5 есеге арттыру туралы міндет қойғаны атап өтілді, бірақ бұл міндет орындалмады. Бұл жоспардағы көрсеткіштердің бірі - тірі қара мал мен қойды экспорттау болып табылады.

«Тірі малдың экспорты ет өнімдерінің алып-сатарлардың қолында кетуіне, бағаның өсуіне әсер ететін болады. Ең алдымен, ет пен ет өнімдеріне ішкі нарықтың қажеттіліктерін толығымен жабу қажет және қайта өңдеу кәсіпорындарының өнімділігін арттыру керек», - деп хабарлады аталған Одақ мүшелері.

Еске сала кетейік, уәкілетті мемлекеттік органдар 10 ақпанға дейін бұқаларды экспорттауға квота беру және оны бөлу тәртібін әзірлеуі керек болатын.