Қостанай облысында сібір жарасы тіркелді

Сібір жарасымен ауыру Қостанай облысының Жалтыркөл ауылындағы "Баталинское" ЖШС аумағында тіркелді. Архангельск ауылдық округі әкімінің шешімімен шаруашылыққа карантин енгізілді.

Карантин Денисов ауданының бас мемлекеттік ветеринариялық-санитариялық инспекторының 2021 жылғы 8 қарашадағы ұсынысы негізінде енгізілді.

Шешімнің орындалуын бақылау ауылдық округ әкіміне жүктелген.

Естеріңізге сала кетейік, ағымдағы жылдың тамыз айының соңында ірі қара мал арасында сібір жарасы Солтүстік Қазақстан облысының Ақжар ауданында, "Ак-Ниет-Агро и К" ЖШС шалғайдағы жайылым аумағында тіркелген болатын. Ошақта барлығы 677 бас мал болды, ауру екі жануарда расталды.